مـــاعــــدت أطيــــقه..!!

البـــارحه كانت ســــهر وأحزان وضـــيقه
أبكـــي على حظي... يــــــوم الله بــــــلاني

من يــــوم شفته وأنا في حــــبه غـــــريقه
لعنبو هالقلب. لاجيت أمنعه.. راح وعصاني

الزين كامل.. والكامل الله.. وهذه حقــــيقه
على وصفه يحتار شعري.. ويعجز لســاني

كله حلى.. ذقت العســـل من طعم ريـــــــقه
سوالـــيفه شعر وغزل.. الحــــان وأغـــاني

فديت قلبه.. كـــله مشاعر وأحاسيس رقيقه
عطيته كل ما أمــــلك من حـــــب وحـــــناني

والبارحه سافر ولا أدري عن وجهة طريقه
ويــــن راح؟ ولـــيه راح؟ وبأيـــة مكـــاني؟؟

ســـافر.. وأشعل بجوفي نــار(ن) حريـــــــقه
غــــــيم علي الحزن .. وقضيت ليلي أعــــاني

هــــلت دموعي.. وصارت جروحي عـــــميقه
موتي دنــــا.. وكتــــبت القصيد لجل يرثـــــاني

إن جاء قولوله إني " مــــاعدت أطيـــــــــقه"
قــــــويت أنســـــاه مثل ما قوى قلبه ونســـاني...